Am Friitig,12.Juni isch üses Trüppli, also mol die erschte 7 Zwärge is Seeländische Seeland mit de SBB gfahre. Dur die schträngi hifahrt mit dem Bus uf en Bahnhof Olte hei mir dert schu die erschti Zwüscheverpflegig müesse inä .. jo dass de Kari natürli o nüm soviel zum träge het.
Chum im Zug hei isch es sooo heiss gsi, dass mir grad wieder durscht bechu hei ... tja .. de isch em Kari si Rucksack fascht läär gsi, bis - bis uf die super feini Späckzöpfe vom Ursi - derzue spöter.
So mir mir de halt mit fascht lärem Kari-Rucksack nach Aarberg tingelet. Ab und zue hei mir muesse umstiege, aber i gloub d'Fahrgäscht si nid bös gsi, hei si rueh vor üs bechu .. :-)
Z'Aarberg mol achu .. jo hei wo geits denn do düre .. ganz eifach ... meh louft enere junge Dame hinde no ... jo leider het si e anderi Richtig gno . jänu halt ...
Ufem Feschtgländ han i üs mol agmäldet u glueget dass mir üsi Kuscheldeckine richtig chöne platziere. Mir hend de es paar Zelt zuegsproche bechu.
Jo hei isch das e Wanderig gsi bis zum Zeltplatz... dert hets de gheisse .. Zelt Nr 55 bis na nämt eifach es paar :-) ... so hei mir üs de gmüetlich iquartiert, alles bereit gmacht (so Pischi, Kuscheltierli u s'Zahbürschtli) u plötzli het üs es Hüngerli überfalle. Kaaari din Rucksack, hets de gheisse. Genau, die feini Späckzöpfe hei mir de gnüsslich verdrückt. Ursi - danke viel mol . isch mega fein gsi!!!
De isch d'Erkundig vom Feschtgländ losgange. Im grosse Feschtzält hei mir de öpis Znacht gässe ... sie aso fascht die Einzige gsi dert...
De si mir nomol zum Zeltplatz retour, de Iseli Pesche het sich no akündt u zwe Jungturner.. jo u wäreli wär hei mir ächt denn dert troffe ... jo genau .. de DTV Niederurne ... mit ihrem Güggel - kikerikiii - :-) (aso isch de e wiibliche Güggel gsi ... es wunder vor Natur ;-) ) - üse Wecker hei mir schu mol uf sicher gha .. hei mir de gmeint .. leider si mir zfrüeh für e Güggel us de Fädere hihihi ... aso die wo use hei möge , gäll Mättu :-)

So derno isch de üsi Truppe komplett gsi mit Dame-Verstärchig. Jo super, do isch de schu die erscht überraschig chu, wo i die erschte Diszipline im Fit&Fun han welle mälde - dert hets e so en komische Chorb fürs Chorbball gha - nei nei das chan nid Fit & Fun sii .. die gueti Frou bir Amäldig het aber schu gmeint, dass mir am richtige Ort si...
Nu ja, isch u luschtig gsi ... mir hend nämli die faslche Diszipline güebt für üse Fit & Fun .. läck hei die komisch us de Wösch glueget. Jo aber was macht so es Trüppli wie mir .. - richtig - mir luege zue wie die neue Diszipline funktioniere übe biz näbe dra u stürze üs de voll i Wettkampf. So gseh u so gmacht. Na mir sie nid erscht wurde wie letschts Johr am Turnfescht, aber mir hei e tolle föifte Platz erkämpft! Bravo Manne u Froue :-)))

Kili, 22.Juni 2009

fortsetzung & Fotos folgen